Астанадағы туыстарға арналған бағдарлама – Жақындарды қолдау

Тәуелділік – отбасылық дерт. Көмекке тәуелдінің өзі де, және оның жақындары да мұқтаж. Оңалту нәтижесі ұзақ уақытқа созылуы үшін тәуелділік проблемасын шешу қажет. Сол себепті «SANA MEN» моделі бойынша емдеу курсы тәуелділердің туысқандарымен жұмысқа басты назар аударады. Орталықта топтық сабақтар, лекциялар, біздің резиденттеріміздің жақын туысқандарына арналған семиналар өткізіледі. Біз отбасының барлық мүшелеріне жүйелі тұрғыдан кәсіби көмек көрсетеміз.

ОТБАСЫ- БҰЛ АДАМДАР АРАСЫНДАҒЫ ӨЗАРА ІС-ӘРЕКЕТТЕСУ ЖҮЙЕСІ

Отбасының бір мүшесінің тәуелділік дертіне шалдығуы жүйенің барлық мүшелеріне теріс әсерін тигізеді. Сол себепті мамандар химиялық тәуелділікке адамның биологиялық, психикалық, әлеуметтік және рухани аспектілерін қатты әсер ететін отбасылық дерт ретінде қарайды.

Адам тәуелді болған кезде отбасы оның дертінің ушығуына себепші болуы немесе жақынының өзгеруі жолындағы басты құрал бола алады. Сондықтан, көп жағдайда жақын туысқаныңыздың емделуі қаншалықты табысты болуы және орталықтан шыққаннан кейін рецидивтерсіз, тазалықта, сау өмірді жалғастыратыны дәл сіздің қолдауыңызға және қатысуыңызға байланысты.

Қоса тәуелділер өз өмірін ойламай басқа адамның өмірімен өмір сүріп, бар күш-жігерін оның іс-әрекеттерін басқаруға жұмсайды. Осылайша, бүкіл отбасылық жүйе дертке шалдығады, оның бір бөлігі оның басқа бөлігін қолдау үшін өзінің мүддесін ысырып қойып, ендігі өмірін оны өзгертуге жұмсайды, мұның барлығы ешбір мағынасы жоқ, қажетсіз әрекеттер, ал отбасылық проблема тек ушыға түседі.

Өміріңіздің сапасын тек өзіңізді түбегейлі өзгерту арқылы ғана жақсарта аласыз. Отбасы мүшесінің біреуінің сауығуы оның айналасындағылардың өмірін, бүкіл жүйенің өзгеруіне әкеледі.

Маскүнем ішімдікке тәуелді, нашақор – есірткіге тәуелді, ойынқұмар- казиноға тәуелді, ал ата-ана, туысқандар маскүнемнің, нашақордың, ойынқұмардың өзіне тәуелді.